तपाईं के भन्नु हुन्छ, झन्डा फेर्ने कि नफेर्ने ?

भावि संविधानमा राष्ट्रिय झण्डाको विषयलाई लिएर दलहरुबीच चर्को मतभेद उत्पन्न भएको छ। संविधानसभाको संवैधानिक समितिद्वारा गठित उपसमितिमा झण्डाको विषयलाई लिएर दलहरुबीच विवाद भएको हो।

एकीकृत नेकपा माओवादी, राष्ट्रिय जनमोर्चा र दलित जनजाती पार्टी राज्य पुनःसंरचनापछि मुलुकको झण्डा परिवर्तन गर्नुपर्ने अडानमा छन्।

नेपाली कांग्रेस, नेकपा एमाले र मजदुर किसान पार्टी भने अहिलेकै झण्डा राख्नुपर्ने पक्षमा छन्। एकीकृत नेकपा माओवादीले राज्य पुनःसरंचनापछि प्रान्तको संख्या अनुसार तारा अंकित र नयाँ झण्डाको व्यवस्था गर्नुपर्ने बताएको छ। कांग्रेस र एमालेले भने अहिलेको झण्डाले राष्ट्रिय पहिचानलाई सार्थक रुपमा ग्रहण गरेकाले परिवर्तन आवश्यक नरहेको बताउदै आएको छ ।

तपाईंलाई के लाग्छ, हाम्रो राष्ट्रिय झन्डा फेर्नै पर्छ र ? कि नफेरी हुँदैन ?

Photo Courtesy: kameda-lab.org

सोसल नेट्वोर्कइङ साइट र हामी

जमाना ईन्टरनेटको छ, एक्छिन नेट भएन भने दिउसै अध्यारो भए जस्तो लाग्छ । छिन छिनमा हाइ फाइभ र फेसबूक नखोली नहुने भाको छ आज्कल हामीलाई । कस्ले कस्तो स्ट्याटस राख्यो, कसैको फोटो कमेन्ट पो आको छ कि, ग्रुपमा नयाँ केही पोस्ट भको छ कि अनी प्रोफाइल कमेन्ट पो आछकी भन्ने कौतुहलताले छिन्छिनमा सताउछ आज्कल सम्पूर्ण सोसल नेट्वोर्किङ साइटका सदस्यहरुलाई । फेरी हुन पनी साथीहरु बिच संपर्कमा रहिरहने र उस्का गतिबिधिहरु थाहा पाउने तथा आफ्नो बाड्ने गतिलो माध्यम पनि बनेका छन फेसबुक, हाइ फाइभ जस्ता थुप्रै सामाजिक सन्जाल्हरु । मेरै कुरा गर्दा पनि प्रचन्डको रजिनामा मैले सबै भन्दा पहिला फेसबूकबाट नै थाहा पाएको थिए ।

बडो गज्जब छ सामाजिक सन्जाल्हरुको क्रेज । तपाईं कत्तिको क्रेजी बन्नुभएको छ ? के लाग्छ तपाईंलाई सामाजिक सन्जाल्हरुमा जोडीनु ठीक हो ? कि वाइयात हो समयको बर्बाद मात्र ? रमाइला-नरमाइला अनुभवहरु बाड्ने होइन त?

बिदेश: पहिला लड्न, अहिले पढ्न अब यसपछी के गर्न?

हामी नेपालीहरु लाहुर पस्ने चलन धेरै पुरानो हो । नेपालीहरु बिदेशिने ईतिहास हेर्दा हाम्रो बाबु-बाजेहरु गुर्खा सैनिकको रुपमा बेलायत तथा भारत छिरे त्यसैगरी ब्यापारको सिल्सिलामा तिब्बत, बर्मा, चिन हुँदै अन्य देशहरु पनि छिरे । पछी बिस्तारै कामको खोजिमा मलेसिया, दुबइ, कतार, साउदी, जापान, अमेरिका, यूरोप जाने क्रम बिस्तारै बढ्यो तर अहिले बिदेश जानु त फेसन जस्तै भएको छ । पढ्न होस् वा काम गर्न, कानुनी रुपमा होस् वा गैरकानुनी रुपमा अहिले नेपाली युवाहरु बिदेशिने क्रम ह्वात्तै बढेको छ । नेपालमा त्रिभुवन बिश्वबिद्यालय, काठमाडौं विश्वबिद्यालय जस्ता उत्कृष्ट अध्ययन स्थल हुँदाहुँदै आजकाल प्रत्यक दिन सयौ युवायुवतिहरु लाखौं खर्च गरेर अध्ययनको लागि बेलायत, अष्ट्रेलिया, अमेरिका, यूरोप, जापान, क्यानाडा, चिन,  लगायत अन्य थुप्रै मुलुकतर्फ उड्ने गर्दछन । तपाईंलाई के लाग्छ, नेपालमा पढ्ने बातावरण नभएर उनिहरु बिदेशिएका हुन त? कि बहिर अध्ययन गर्ने निहु मात्र हो? 

खुशी को खबर

'चादनी चोक टु चाईना' टिम ले माफि मगेको कुरा सुन्न र पढ्नमा आएको छ, यो हामी नेपालीहरु को लागि खुशी को कुरा हो। हामी कसैको दास हैनौ भनेर प्रमाणित भएको छ। तर यत्तिमै खुशी हुने र गर्व गर्ने ठाउँ चाँही छैन,wikipedia देखी लिएर बिभिन्न वेबसाईट हरुमा अझै बुद्ध भारत म जन्मिएका हुन भनेर लेखिएको छ। अब हामी सबै मिलेर बिश्व माझ हाम्रो सहि परिचय दिन जरुरी छ।

आऔ हातमा हात मिलाएर बिरोध गरौ

हामी कसैको दास न कहिल्यै बन्यौ र न कहिल्यै बनेर बस्नेछौ भन्ने कुरा विश्व माझ देखाउने बेला फेरी पनि आएको छ। सिमा क्षेत्रमा सिमा मिचेको कुरा होस् या हालसालै चादनी चोक टू चाइना को कुरा होस्,हरेक कुरा मा हामीलाई तल पार्न खोजिएको छ। हाम्रो पवित्र देश नेपालका परिचायक भगवान बुद्ध लाई आफ्नो पोल्टामा पार्न खोज्ने भारतको यो बिस्तारबादी नितिको बिरोध गरौ।आऔ सबैजना हातमा हात मिलाएर हरेक पेसा र बर्गका नेपाली ले आ-आफ्नै क्षेत्र बाट आफ्नै तरिकाले कुनै धनजनको क्षति नपुराइकन शान्तिपूर्ण बिरोध गरौ।

नयाँ पुस्ता

आजकाल दिनप्रतिदिन नेपाली नयाँ पुस्ता नयाँ नयाँ प्रबिधी सम्बद्द उपकरणहरुको प्रयोगमा लहसिदै गएको छ । थ्रीजी मोबाईल फोन र आईपोड त छदै छ पछील्लो अवधिमा युवापुस्ता ल्यापटप कम्प्युटर तर्फ आकर्षित हुँदै छ । अहिलेको पुस्ता ल्याप्टपलाई ग्ल्यामरस उपकरणको रुपमा बुझ्छ । ल्याप्टप भए अरु के नै चाहियो र ? भन्ने युवाहरु थुप्रै भेटिन्छन काठमाडौं र अन्य शहरहरुमा । त्यसैगरी आजकल झोलामा ल्यापटप बोकेर हिंड्ने युवाहरु पनि थुप्रै भेटिन्छन् । तपाईंलाई के लाग्छ ल्यापटप आवश्यकता नै बनिसकेको हो त नेपाली युवाहरुको लागि? कि नेपाली युवा आफुलाई समय र प्रबिधीसँग upto date राख्ने क्रम्मा ल्यापटप तर्फ आकर्षित भएका हुन ?

अब हाम्रो पालो

राजधानीमा समय समयमा हुने फोहोर को समस्या लाई कसरी दिर्घकालिन रुपमा समाधान गर्न सकिएला?

नेपालमा बर्ड फ्लुको प्रबेश, संकट माथि अर्को संकट।

संकटनै संकटले घेरिएको अहिले को समयमा फेरी अर्को संकटले बिना अनुमती प्रवेस गरेको छ। नेपालको काकडभित्तामा बर्डफ्लु भेटिएको छ। उर्जाको संकटले ग्रसित मुलुकमा अब फेरी बर्ड फ्लु!!!!!अब त नेपाल को पर्यायबाची शब्द नै संकट नै भैसक्यो!!!!

हार्दिक श्रद्धाञ्जली

चर्चित टेलिभिजन 'टक शो-बहस' का संचालक,पत्रकार तथा कानुन ब्यबसायी ईन्द्र लोहनी को गत शुक्रबार हृदयघातका कारण असामयीक निधन भयकोमा उहाको आत्माको चिरशान्तीको कामना गर्दै शोकसन्तप्त परिवार प्रती ईश्वरले धैर्य धारण् गर्ने शक्ती प्रदन गरुन भन्दै यस आगन परिवार हार्दिक श्रद्धाञ्जली ब्यक्त गर्दछ।

नयाँ प्रयासको थालनी

आज हामी केही साथीहरु मिलेर नेपाल तथा बिदेशमा रहनुहुने विद्यार्थी तथा आप्रबासी हरुको बिचमा आपसी सदभाव र सम्बन्ध लाई सुमधुर बनाऔ भन्ने उद्देस्यका साथ यो ब्लग खोलेका छौ। तपाईंहरुले पनि आफ्ना गुनाशा तथा बिचार हरुलाई यो ब्लग मार्फत अरुका बिचमा राख्न सक्नुहुनेछ। हाम्रो यो सानो प्रयासले सम्पूर्ण नेपालीहरुमा आफ्नोपन को महसुस गराउन सक्छ की ?

हामी तपाईंको अमुल्य बिचार तथा सुझाब को अपेक्ष्या गर्दछौ।